Azərbaycan, Bakı, 8 sentyabr /Trend, müxbir İlkin İzzət/
Gecə vaxtı Bakının mərkəzi prospektlərindən birində avtomobillə vurulan piyada ölüb.
Bakı şəhər Baş Polis İdarəsindən (BŞBPİ) Trend-ə verilən məlumata görə, sentyabrın 8-də saat 00:10 radələrində H.Əliyev prospektində Bakı şəhər sakini 1987-ci il təvəllüdlü Emin Əsgərov idarə etdiyi "Mercedes" markalı avtomobillə Bərdə rayon sakini, 1986-cı il təvəllüdlü Məhəmməd Əzimovu vurub.
M.Əzimov hadisə yerində ölüb.
Faktla bağlı cinyaət işi başlanılıb, Sabunçu RPİ-də araşdırma aparılır.