Bakı. Trend:
Quba rayonunun Xınalıq kəndinə gələn turist dağlıq ərazidə qalıb.
Trend RTV-yə (Region TV) istinadən xəbər verir ki, şimal regionuna yağan güclü yağış nəticəsində kəndə gələn yolu sel apardığından Rusiya vətəndaşı 38 yaşlı Kliçko Svetlana Yevgenievnanın qayıtması mümkünsüz olub. Onun ərazidən götürülməsi üçün Fövqəladə Hallar Nazirliyinin helikopteri cəlb olunub.
Hazırda xilasetmə əməliyyatı davam etdirilir.