Bakı. Trend:
Yol-nəqliyyat hadisəsi zamanı xəsarət almış Abşeron rayonunun Digah qəsəbə sakini Murad Rüstəmov yerləşdirildiyi xəstəxanada ölüb.
Daxili İşlər Nazirliyinin Mətbuat xidmətindən Trend-ə verilən məlumata görə, yanvarın 11-də saat 19 radələrində Abşeron rayonunun Digah qəsəbəsi ərazisində Bakı şəhər sakini E.Ağababayev idarə etdiyi “VAZ-21214” markalı avtomobillə yolu keçən qəsəbə sakini Murad Rüstəmovu vurub. Nəticədə xəstəxanaya yerləşdirilmiş piyada yanvarın 12-də saat 22 radələrində orada ölüb.
Abşeron RPİ tərəfindən araşdırma aparılır.