Bakı. Trend:
ABŞ-ın İllinoys ştatında baş verən qum fırtınası çoxsaylı avtomobil qəzalarına səbəb olub, nəticədə ən azı altı nəfər həlak olub.
Trend-in məlumatına görə, bu barədə "Associated Press" agentliyi bildirib.
"Ən azı altı nəfər ölüb, 30-dan çox insan (...) xəsarətlərlə xəstəxanalara çatdırılıb", - deyə ştatın polisi qeyd edib.
Məlumata görə, qəzada "40-dan 60-a qədər avtomobil və qoşqulu bir neçə traktor iştirak edib, onlardan ikisi yanıb".