Azərbaycan, Bakı, 03 noyabr / Trend , müxbir K.Zərbalıyeva/
Ermənistan Silahlı Qüvvələrinin bölmələri noyabrın 2-də saat 20.30-dan 20.45-dək Xocavənd rayonu ərazisindəki adsız yüksəkliklərdə yerləşən mövqelərdən, saat 18.20-dən 18.55-dək, noyabrın 3-də saat 05.00-dan 05.27-dək və 05.10-dan 05.20-dək Füzuli rayonunun Qorqan, Qaraxanbəyli və Aşağı Əbdürəhmanlı kəndləri yaxınlığında yerləşən mövqelərdən Azərbaycan Silahlı Qüvvələrinin üzbəüz mövqelərini avtomat və pulemyotlardan atəşə tutublar.
Bu barədə Azərbaycan Respublikası Müdafiə Nazirliyinin mətbuat xidmətindən məlumat verilib.
Bütün hallarda düşmən cavab atəşilə susdurulub.
İtki yoxdur.