Аzərbaycan,Bakı, 20 may /Trend, müxbir А.Qasımova/
Fransa ATƏT-in Minsk qrupunun həmsədri kimi Dağlıq Qarabağ münaqişəsinin həllində Azərbaycan və Ermənistan liderlərinin səylərini dəstəkləyir. Bu barədə cümə axşamı Fransanın Avropa məsələləri üzrə dövlət naziri Pyer Leluş ATƏT-in Daimi Şurası qarşısında çıxış edərkən bildirib.
"Fransa hər iki ölkənin münaqişənin həllinə istiqamətlənmiş səylərini dəstəkləyir", - Leluş deyib. Bu barədə ATƏT-in məlumatında belə deyilir.
"Problemin həllinə nail olmaq üçün siyasi danışıqlar yeganə vasitədir", - nazir deyib.
İki Cənubi Qafqaz ölkəsi arasında münaqişə 1988-ci ildə Ermənistanın Azərbaycana qarşı ərazi iddiası irəli sürməsi zəminində yaranıb. Azərbaycan torpaqlarının iyirmi faizi, yəni Dağlıq Qarabağ ərazisi və bu əraziyə bitişik yeddi rayon Ermənistan Silahlı Qüvvələrinin işğalı altındadır. 1994-cü ildə tərəflər atəşkəs rejiminə dair razılaşma əldə ediblər və o vaxtdan bəri ATƏT-in Minsk qrupunun himayəsi altında, Rusiya, Fransa və ABŞ-ın həmsədrliyi ilə hələ də nəticəsiz sülh danışıqları aparılır.
BMT Təhlükəsizlik Şurasının Dağlıq Qarabağın və işğal olunmuş ərazilərin azad edilməsinə dair qəbul etdiyi dörd qətnamə Ermənistan tərəfindən bu günə qədər yerinə yetirilməyib.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
.jpg)
