...

Xarici tələbələrlə Xocalı soyqırımı haqqında məlumatlandırıcı görüş keçirilib (FOTO)

Ermənistan-Azərbaycan münaqişəsi Materials 20 Fevral 2014 11:11 (UTC +04:00)
19 fevral tarixində “Virtual Qarabağ” İnformasiya-Kommunikasiya Texnologiyaları Mərkəzi Azərbaycanın müxtəlif ali təhsil müəssisələrində təhsil alan əcnəbi tələbələrlə Xocalı soyqırımının 22-ci ildönümünə həsr edilmiş məlumatlandırıcı görüş keçirib.
Xarici tələbələrlə Xocalı soyqırımı haqqında məlumatlandırıcı görüş keçirilib (FOTO)

Azərbaycan, Bakı, 20 fevral /Trend/

19 fevral tarixində "Virtual Qarabağ" İnformasiya-Kommunikasiya Texnologiyaları Mərkəzi Azərbaycanın müxtəlif ali təhsil müəssisələrində təhsil alan əcnəbi tələbələrlə Xocalı soyqırımının 22-ci ildönümünə həsr edilmiş məlumatlandırıcı görüş keçirib.

Trend-in məlumatına görə, görüş zamanı mərkəzin əməkdaşları tərəfindən 1992-ci ildə SSRİ-nin 366-cı alayının köməyi ilə Ermənistan silahlı qüvvələrinin Azərbaycanın Xocalı şəhərinin dinc əhalisinə qarşı həyata keçirdiyi amansız soyqırım aktı barədə məlumat verilib.

Daha sonra Qarabağ həqiqətləri və Xocalı soyqırımı ilə əlaqədar müxtəlif dillərdə filmlər nümayiş olunaraq, xarici tələbələrə virtualkarabakh.az portalının təqdimatı keçirilib.

Qeyd edək ki, "Virtual Qarabağ" İnformasiya-Kommunikasiya Texnologiyaları Mərkəzi Gənclər və İdman Nazirliyinin maliyyə və Azərbaycan Tələbə Gənclər Təşkilatları İttifaqı (ATGTİ), "Bizim Nəsil" Gənclərin Regional İnkişaf Assosiasiyası İctimai Birliyi, Qaçqın və Məcburi Köçkün Gənclər Təşkilatı, "Sağlam İnkişaf və Maarifləndirmə" İctimai Birliyi, Yeni Yazarlar və Sənətçilər Qurumu İctimai Birliyinin təşkilati dəstəyi ilə yaradılıb.

Məqalədə:
Xəbər lenti

Xəbər lenti