Azərbaycan, Bakı, 24 fevral /Trend/
Ermənistanın XİN rəhbəri Edvard Nalbandyan Parisdə ATƏT-in Minsk qrupunun həmsədrləri İqor Popov (Rusiya), Jak For (Fransa), Ceyms Uorlik (ABŞ) və ATƏT-in fəaliyyətdə olan sədrinin şəxsi nümayəndəsi Anjey Kaspşiklə görüşüb. Trend-in məlumatına görə, xəbəri bazar ertəsi Ermənistan XİN-in mətbuat xidmətinə istinadən "Armenia Today" yayıb.
Görüş zamanı Dağlıq Qarabağ münaqişəsinin dinc yolla nizamlanması üzrə danışıqlar prosesində mümkün irəliləyişlər ətrafında müzakirə davam etdirilib.