...

Rusiya XİN: Azərbaycan və Ermənistan prezidentlərinin görüşü planlaşdırılır (ƏLAVƏ OLUNUB)

Ermənistan-Azərbaycan münaqişəsi Materials 12 May 2016 16:21 (UTC +04:00)
Gələn həftə Azərbaycan və Ermənistan prezidentləri İlham Əliyev və Serj Sarkisyanın görüşü planlaşdırılır.
Rusiya XİN: Azərbaycan və Ermənistan prezidentlərinin görüşü planlaşdırılır (ƏLAVƏ OLUNUB)

Trend-i buradan izləyin

Moskva. Orxan Yolçuyev - Trend:

Gələn həftə Vyanada Azərbaycan və Ermənistan prezidentləri İlham Əliyev və Serj Sarkisyanın görüşü planlaşdırılır. Bunu Trend-in xüsusi müxbirinin sualını cavablandıran Rusiya Xarici İşlər Nazirliyinin (XİN) nümayəndəsi Mariya Zaxarova deyib.

Onun sözlərinə görə, görüş ATƏT-in Minsk qrupunun həmsədr ölkələrinin - Rusiya, ABŞ və Fransa XİN rəhbərlərinin iştirakı ilə planlaşdırılıb.

M.Zaxarova qeyd edib ki, görüşün məqsədi atəşkəs rejimini gücləndirməyə çalışmaq, hərbi riskləri azaltmaq, konkret etimad tədbirlərinin möhkəmləndirilməsi barədə razılıq əldə etməkdir.

O bildirib ki, görüş hələ planlaşdırılır və hazırlıq işləri olduqca fəal aparılır: "Hesab edirik ki, bu cür görüş münaqişə zonasında vəziyyətin sabitləşməsinə kömək edə bilər və etməlidir, eləcə də hərtərəfli nizamlanmaya nail olmağa yönəldilmiş danışıqlar prosesinin bərpası üçün şərait yaradacaq".

Məqalədə:
Xəbər lenti

Xəbər lenti