...

Dağlıq Qarabağ məsələsi AŞ PA-nın Siyasi Komitəsində müzakirə ediləcək

Ermənistan-Azərbaycan münaqişəsi Materials 11 Mart 2006 13:30 (UTC +04:00)

Martın 14-də Parisdə Avropa Şurası Parlament Assambleyasının (AŞPA) Siyasi Komitəsinin iclasında Ermənistan-Azərbaycan, Dağlıq Qarabağ münaqişəsinin həlli məsələsi müzakirə olunacaq.

Trend in xəbər verdiyi kimi, bu məsələ komitənin iclasının ilkin gündəliyində müzakirəyə çıxarılacaq 10-cu məsələ olacaq. İclasda AŞPA-nın Dağlıq Qarabağ üzrə alt komitəsinin rəhbəri Lord Rassel Conson bəyanatla çıxış edəcək.

Qeyd edək ki, komitənin növbəti iclası AŞPA-nın aprelin 10-dan 13-dək Strasburqda keçiriləcək yaz sessiyası zamanı baş tutacaq.

Bu komitənin üzvləri Azərbaycanın parlment nümayəndə heyətinin rəhbəri Səməd Seyidov, deputatlar Əli Hüseynov və Gültəkin Hacıyevadır.

Xəbər lenti

Xəbər lenti