Aprelin 15- də Ermənistan silahlı quvvələri yenidən atəşkəsi pozublar. Bu barədə "Trendə" Azərbaycan Müdafiə nazirliyinin mətbuat xidmətindən bildiriblər.
Saat 00.00-dan 00.45-dək ermənilər Qazax rayonunun Məzəmli və işğal olunmuş Aşağı Əskipara kəndləri yaxınlığında yerləşən mövqelərindən Azərbaycan Silahlı qüvvələrinin üzbəüz mövqelərini və Məzəmli kəndini, İcevan rayonunun Berkaber kəndinin şimal-şərqində yerləşən mövqelərindən Azərbaycan Silhalı quvvələrinin Qazax rayonunun Qızıl Hacılı kəndi yaxınlığındakı mövqelərini, saat 05.30-dan 05.35-dək Tərtər rayonunun Qarmiravan kəndi yaxınlığında yerləşən mövqelərindən Azərbaycan Silahlı quvvələrinin üzbəüz mövqelərini avtomat və pulemyotlardan atəşə tutublar.
Cavab atəşilə düşmən susdurulub, itki yoxdur.