Azərbaycan tərəfi yaxın vaxtlarda Avropa Şurasının mənzil qərərgahı yerləşən Strasburq şəhərində Dağlıq Qarabağ münaqişəsi ilə bağlı sərgi keçirəcək. Bu barədə Trend ə eküzkuliv olaraq Azərbaycanın Avropa Şurası Parlament Assambleyasındakı nümayəndə heyətinin üzvü, millət vəkili Rəfael Hüseynov məlumat verib.
R.Hüseynov qeyd edib ki, bu sərgi ermənilərin Strasburqda keçirdikləri anoloji tədbirə cavab olaraq keçiriləcək. "Mən Azərbaycan diasporunun Strasburqda yaşayan təmsilçilərilə, tələbələrlə, ölkəmizin Avropa Şurası yanındakı daimi nümayəndəliyinin əməkdaşları və bu il yaradılan "Azərbaycan Evi"nin rəhbəri Mustafa Alınca ilə danışmışam ki, ermənilərin keçirdikləri sərgiyə cavab olaraq konkret addımların atsınlar."
Millət vəkili vurğulayıb ki, AŞ PA-nın yanvar ayında keçirilən qış sessiyasında iştirak etmək üçün Strasburqa gedərkən özü ilə Dağlıq Qarabağ münaqişəsini, Azərbaycanın
Ermənistanın işğalı altındakı torpaqlarında olan və ermənilərin dağıtdığı mədəni irs və mənimsədiyi mədəni sərvətlərimizlə bağlı fotolar və sənədlər aparacaq.
R.Hüseynov bildirib ki, ermənilər işğal etdikləri Azərbaycan torpaqlarındakı, eləcədə Ermənistan ərazisində olan və azərbaycanlılara məxsus mədni abidəlri - məscidləri, karvansaraları, qəbristanlıqları dağıdıblar.
"Biz də yanvar ayında Strasburqun Bələdiyyə Mərkəzində bütün bunları, ermənilərin vandalizmini əks etdirən geniş bir sərgi keçirəcəyik. Çalışacağıq ki, bu sərgi AŞ PA-nın qış snssiyası ərzində keçirilsin ki, ona çoxlu sayda siyasətçilərin baxması mümkün olsun."
Xatırladaq ki, ermənilər dekabrın 6-dan 9-na qədər Strasburqun Bələdiyyə Mərkəzində sərgi keçiriblər. Həmin sərgidə Azərbaycan ərazisi olan Dağlıq Qarabağ, eləcədə Naxçıvan Muxtar Respublikası Erməinstan ərazisi kimi göstərilib.
"Mən Avropa Şurası Parlament Assambleyasının Mədəniyyət, Təhsil və Elm Komitəsinin iclasında çıxış edən zaman ermənilərin Parisdə təşkil etdikləri sərgiyə etiraz etdim" deyə, Rəfael Hüseynov bildirib.
Onun sözlərinə görə, dekabrın 6-da açılan sərgi Ermənistanın Azərbaycana növbəti ərazi iddialarını əks etdirib. "Sərgidə Naxçıvanda olan mədəni abidələrin fotoları verilib. Həmin fotoların üzərində belə bir sözlər yazılıb ki, bu abidələr Ermənistan ərazisi olan Naxçıvanda yerləşir."
Trend-in ən mühüm və maraqlı xəbərlərini "Telegram"da izləyin
