2006-cı ilin dekabr ayında Azərbaycanın1 426 634 m2 ərazisi minalardan təmizlənib. Azərbaycan ərazilərinin minalardan təmizlənməsi üzrə milli agentlikdən (ANAMA) Trend ə bildiriblər ki, həmin dövr ərzində 7416 mina və partlamayan hərbi sursat (PHS) aşkar edilərək zərərsizləşdirilib.
Təmizləmə əməliyyatlarında 22 mina axtaran itdən, 138 sapyor, 15 PHS operatoru, 8 təcili tibbi yardım həkimi və təxminən 100-ə yaxın köməkçi işçidən istifadə olunub.
ANAMA-nın Azərbaycanda fəaliyyəti dövründə 41 591 131 m2 ərazi təmizlənib. Aşkar edilmiş və zərərsizləşdirilmiş mina və PHS ümumi sayı - 98 127 təşkil edib.
2006-cı ilin yanvar-dekabr aylarında 11 mina partlamsı nəticəsində 2 şəxs həlak olub, 15 şəxs müxtəlif dərəcəli xəsarətlər alıb. Bu dövr ərzində 20 000 000 m2 ərazi minalardan təmizlənib.
