Azərbaycan, Bakı, 12 mart/ " müxbir R.Rəhimov/ İraqın vitse-prezidenti Tariq Əl-Haşimi ilə Trend -un müsahibəsi
- Kürd Muxtariyyəti hökuməti ilə müqavilə bağlayan şirkətlərlə işlərin dayandırılması haqqında ölkənin Neft Nazirliyinin qərarı İraqın neft sektoruna əcnəbi investisiyaların cəlb edilməsinə necə təsir göstərəcək? İraq yataqlarını işləmək arzusunda olan əcnəbi şirkətlər belə mövqeyə necə münasibət göstərəcəklər?
- Neft Nazirliyinin qərarı əsas məsələ deyil. Aydın Konstitusiya mandatı və federal neft qanunvericilik məsələləri daha vacibdir. Məşhur neft şirkətləri bu gün İraqa ölkənin mərkəzi və regional hökumətləri arasında olan fikir ayrılığına görə deyil, kapital yatırmaq üçün aydın strukturun və ya investisiyaların müdafiəsi mexanizminin olmamasına görə, həvəssiz şəkildə investisiya yatırırlar. Bura neft haqqında strukturlaşdırılmış qanun, həmçinin, İraqda biznes aparan şirkətlərin hüquq və maraqlarını müdafiə edəcək etibarlı qərəzsiz ədalət məhkəməsi daxildir
- İraq hökuməti PKK-nı rəsmi olaraq terror təşkilatı kimi tanısa da, indiyədək ona qarşı hər hansı bir hərbi əməliyyat keçirilməyib. Buna səbəb nədir?
- Mən mövqeyimizi təkrar etmək istərdim: PKK - terror təşkilatıdır və onunla amansız rəftar etmək lazımdır. Eyni zamanda, PKK-nın fəaliyyət göstərdiyi ərazi çox çətin zonalardır və bizim qüvvələrimiz bu ərazilərdə əməliyyat aparmaq üçün hazır deyil. Lakin, bu o demək deyil ki, tərəfimizdən PKK-nın fəaliyyətinin məhdudlaşdırılması üçün regionun təchizatının dayandırılması kimi digər tədbirlər görülə bilməz.
- Türkiyə Silahlı Qüvvələrinin İraqın şimalındakı hərbi əməliyyatları PKK terrorçularını ölkənin dərinliklərinə gətirə bilərmi? Türk ordusu tərəfindən sərhəddə aparılan əməliyyatlar PKK ilə mübarizə kontekstində nə dərəcədə faydalıdır?
- Bəli, ehtimal var ki, İraqın şimalındakı əməliyyatlar PKK terrorçularını ölkənin daxili regionlarına gətirəcək. Lakin hökumət qüvvələri onlara maneə yaradacaqlar. Əməliyyatlara gəldikdə isə, biz Türkiyə hökumətinin PKK-ya qarşı mübarizə qərarına hörmək edirik. Lakin etnik köklərə malik daxili problemlər yalnız hərbi yolla həll edilə bilməz.
- İraq tarixi baxımdan sünnü və şiələrin sülh və əmin - amanlıqda yaşadıqları ölkə olub. Lakin indi bunun əksinin şahidi oluruq. Sizin rəyinizə görə, İslamın bu iki qolu arasında olan müqavimətin qarşısının alınması üçün hansı imkanlar var?
- Problemin dini səbəbləri o qədər də çox deyil. Təriqətçilər bu məsələdən siyasi məqsədlərdə istifadə edirlər. Təriqət məsələsinin həlli - Qanunun aliliyinin təmin edilməsi ilə demokratik İraq dövlətinin yaradılmasından ibarətdir. Biz üstünlüklər və məsuliyyətin birləşdiyi vətəndaşlığa zəmanət verməliyik.
İraq dövlətinin bu nöqsanı insanların ikinci dərəcəli əlamətlərlə fərqləndirilməsinə səbəb olub. Bizim sabit ölkəmiz olsaydı, iraqlılar öz eyniliklərini başa düşər və onu təriqət və qohumluq əlamətlərindən uca tutardılar. Təriqətçilərin intensiv mübarizəsinə baxmayraq, İraqda mövcud olmuş tarixi vəziyyəti bərpa etmək üçün hələ də böyük imkan var.
- İraq hökuməti rəsmi olaraq, ölkədəki terror təşkilatları üzərində qələbə çaldığını elan edib. Belə olan halda, ölkənin beynəlxalq koalisiya qüvvələrinə təlabatı necədir?
- Öz zaman çərçivələri ilə aydın mübarizə, birtərəfli şəkildə qələbəni elan edən insanlar yoxdur. Terrorizm əleyhinə mübarizə həm ideoloji, həm də hərbi mübarizədir. Həqiqi və uzunmüddətli qələbə elan etmək üçün biz yoxsulluq, qeyri-bərabərlik, təriqətçilik institutları və partizanlıq kimi problemlərin mənbələrini aradan qaldırmalıyıq. Səbəbləri aşkar edilmədən zorakılığın sadəcə inkar edilməsi qələbə deyil. İraqda peşəkar və vətənpərvər qüvvələr formalaşdırılanadək, Koalisiya qüvvələrinə ehtiyac olacaq.
