Azərbaycan, Bakı, 01 aprel / " müxbir A. Qasımova, D. Novosvitski/ ABŞ prezidenti Corc Buşun Kiyevə səfəri, Ukraynanın NATO-ya qoşulma yolunda olduğunu göstərir.
"Buşun Kiyevə səfəri Ukraynanın NATO-ya üzvlük yolunda qalmasına yardım edəcək, hətta Budapeştdə üzvlüyə hazırlıq Planına (MAR) baxılmayacağı təqdirdə belə" - deyə çərşənbə axşamı Trend a "The Heritage Foundation"nun (ABŞ) böyük elmi müşaviri Ariel Koen bildirib.
ABŞ prezidenti Corc Buş Ukraynaya dövlət səfəri zamanı aprelin 1-də ukraynalı həmkarı Viktor Yuşşenko ilə NATO-ya üzvlük üzrə fəaliyyət Planına (MAR) qoşulmanın perspektivlərini müzakirə edib.
Koenin sözlərinə görə, hələ də ABŞ-ın avropalı müttəfiqləri Gürcüstan və Ukraynanın MAR-a qoşulmasına qarşı çıxış edir. "Avropa hələ ki, daha böyük səviyyədə Rusiya qazından asılıdır və bir çox Avropa şirkətləri Rusiya, Almaniya, Fransada öz bizneslərini genişləndirir, digər Avropa ölkələri isə, "Medvedyev"i hirsləndirməməyi üstün tutur" - deyə ekspert bildirib. Koenin sözlərinə görə, eyni zamanda, ABŞ Ukrayna və Gürcüstanın NATO-ya daxil olma hüquqlarını dəstəkləyir, hətta bu, Vaşinqton və Moskva arasında münasibətlərə təsir göstərsə belə.
Ukraynalı ekspert Aleksandr Palinin fikrincə, aprelin 2 - 4- də Alyansın Buxarest sammitində NATO-ya üzvlüklə əlaqədar Ukraynanın fəaliyyət Planına qoşulmayacağı təqdirdə, bu barədə qərar NATO-ya üzv ölkələrin xarici işlər nazirlərinin iclasında da qəbul oluna bilər. "NATO-nun sammiti iki ildə bir dəfə toplaşır, lakin MAR-a qoşulmaya dair qərar NATO-ya üzv ölkələrin xarici işlər nazirlərinin iclasları zamanı da qəbul oluna bilər. Belə ki, belə iclaslar kifayət qədər tez-tez keçirilir. Növbəti iclas hardasa yarım ildən sonra keçiriləcək" - deyə çərşənbə axşamı Trend a Ukrayna Diplomatiya Akademiyasının xarici siyasət İnstitutunun eksperti Aleksandr Pali bildirib.
Buxarest sammitində hansı qərarın qəbul olunacağı barədə proqnoz vermək kifayət qədər çətindir. "Ukraynanın üzvlük üzrə fəaliyyət Planına qoşulma istiqamətində güclü müttəfiqləri olsa da, eyni zamanda, bu işdə onun güclü əleyhdarları da var. Kim qalib gələcək - hazırda bunu demək çətindir" - deyə ekspert bildirib. O, bununla yanaşı, qeyd edib ki, NATO - bütün qərarların konsensus yolu ilə qəbul olunduğu təşkilatdır.
Pali hesab edir ki, Ukrayna Buxarestdə MAR-a qoşulmasa, bu, Kiyevə xarici siyasət üzrə məqsədlərinə zərbə olacaq. Belə ki, onları yenidən qurmaq lazım gələcək. "Mənfi qərar qəbul olunacağı təqdirdə, Ukraynanın Avropa, həmçinin, onun NATO-ya daxil olmasını dəstəkləyən ölkələr üzrə siyasətini işləmək lazım gələcək. Ukraynanın MAR-a qoşulmasına dair qərar qəbul olunacağı təqdirdə, fəaliyyət Planında "ilişib qalmamaq", əksinə, NATO-ya qoşulmaq üçün bu razılaşmaların konkret tərkibinin tamamlanması üzrə işlərə başlamaq lazımdır" - deyə ekspert əlavə edib.
Müəlliflə əlaqə saxlamaq üçün elektron ünvan : [email protected]