Azərbaycan, Bakı, 14 may / Trend , müxbir S.Ağayeva/ Cari ilin may ayının sonunda Bakıda Azərbaycan-İran münasibətlərinin perspektivləri nəzərdən keçiriləcək. Danışıqlar Azərbaycan ilə İran arasında iqtisadi əməkdaşlıq üzrə hökumətlərarası komissiyanın növbəti iclası çərçivəsində aparılacaq. Bu barədə çərşənbə günü Tehrandan telefonla Azərbaycanın bu ölkədəki səfiri Abbasəli Həsənov məlumat verib.
Bakıda keçiriləcək iclasda iştirak etmək üçün İranın xarici işlər naziri Mənuçehr Mottakinin rəhbərliyi altında bu ölkənin nümayəndə heyəti səfərə gələcək.
Səfir bildirib ki, hökumətlərarası komissiyanın iclasına hazırlıq və İranın XİN rəhbərinin ikitərəfli danışıqları ilə bağlı məsələləri müzakirə etmək üçün bu ölkənin xarici işlər nazirinin müavini Şeyx Əttar may ayının sonunda Bakıya səfər edəcək. Hökumətlərarası komissiyanın həmsədrləri xarici işlər nazirləri Elmar Məmmədyarov və Mənuçehr Mottakidir.
Müəlliflə əlaqə saxlamaq üçün elektron ünvan : trend
