Azərbaycan, Culfa, 03 iyun / Trend , müxbir M.Quliyev/ Azərbaycan prezidenti İlham Əliyev çərşənbə axşamı günün ikinci yarısında Naxçıvan Muxtar Respublikasında (NMR) bir sıra dövlət və ictimai-sosial obyektlərin açılışında iştirak edib.
Dövlət başçısı Azərbaycan XİN Naxçıvan İdarəsinin yeni binasının açılış mərasimində iştirak edib. NMR-nın turizm potensialı ilə tanışlıq çərçivəsində o, "Təbriz" mehmanxanası, "Qədim Şərq" hamam-sağlamlıq kompleksi, "Dədə Qorqud" meydanına, mərkəzi şəhər idman-əyləncə kompleksinə baş çəkib. Əliyev Naxçıvan şəhər tibb məktəbinin yeni binasının açılışında , Naxçıvan doğum mərkəzinin təməlqoyma mərasimində iştirak edib. Prezident Əliyev Şahbuz rayonunda 85 hərbçiyə yeni mənzillərin açarlarını təqdim edib.
Günün birinci yarısında dövlət başçısı Culfa şəhərində mərkəzi xəstəxananın açılışını bildirən lenti kəsib, "N" saylı hərbi hissəyə baş çəkib və burada harbçilərlə nahar edib.
