Azərbaycan, Bakı, 13 iyun/ Trend , müxbir C.Babayeva/ Azərbaycan müxalifətini təmsil edən Müsavat partiyasına Bakı Şəhər İcra Hakimiyyətinin binası qarşısında piket keçirməyə icazə verilməyib. Bu barədə cümə günü Trend -a partiyanın Mərkəzi İcra Aparatının rəhbəri Arif Hacılı məlumat verib.
Trend -un arayışı: Müsavat partiyası iyulun 17-də BŞİH-nin qarşısında partiyanın 4 və 18 may tarixində keçirməyi planlaşdırdığı mitinqlərinə icazə verməmisinə etiraz olaraq, piket keçirməyi planlaşdırırdı. Müsavat mayın 4-ü və 18-nə təyin etdiyi aksiyaları təxirə salmışdı. Buna səbəb kimi Bakı Şəhər İcra Hakimiyyətinin aksiyanın partiyanın istədiyi yerlərdə (Füzuli meydanı, "Təbriz" (keçmiş "Sevinc") kino-teatrı, Ukrayna meydanı, keçmiş "Qələbə" kino-teatrının qarşısı və "Nərimanov" metrostansiyası qarşısı) yox, "Bibiheybət" qəsəbəsində keçirilməsinə icazə verməsi göstərilib.
Hacılının bildirdiyinrə görə, Müsavat partiyası BŞİH-nin cavabını qeyri-qanuni hesab edib. "Cavab məktubunda piketin keçirilməsi məqsədəuğun hesab olunmayıb. BŞİH məktubunda mayın 4-ü və 18-də Müsavat partiyasına mitinqin keçirilməsi üçün Bibiheybət qəsəbəsində yer ayırdığını qeyd edib", -deyə Hacılı bildirib.
Onun sözlərinə görə, Müsavat partiyası iyulun 17-də saat 12-də BŞİH-nin binası qarşısında 50 nəfərlik piket keçirmək niyyətindədir. "BŞİH-yə bununla bağlı xəbərdarlıq olunub. Aksiya zamanı polis süni qarşıdırma yaratmağa çalışsa da, aksiyamız dinc məqsəd daşıyacaq",- deyə o bildirib.
Trend -un arayışı: Müxalifəti təmsil edən Müsavat Partiyası 1992-ci ildə yaradılıb. Partiyanın başqanı İsa Qəmbər Azərbaycan parlamentinin eks-spikeri (1992-93-cü illərdə) və 2003-cü ildə keçirilmiş prezident seçkisində prezidentliyə namizəd olub. Partiya beş nəfər deputatla parlamentdə təmsil olunur.
Məqalə müəllifi ilə əlaqə saxlamaq üçün ünvan - trend