Azərbaycan, Bakı, 03 iyul/ Trend / Rusiya və Aərbaycanın regional təşkilatlarda əməkdaşlığı Rusiya prezidenti Dmitri Medvedyevin iyulun 3-4-də Bakı səfərinin əsas mövzularından biridir. "Rusiya prezidentinin Azərbaycana səfəri zamanı iki ölkənin beynəlxalq arenada əməkdaşlıq məsələlərinə xüsusi diqqətin yetirilməsi planlaşdırılıb", - İTAR-TASS-a RF prezidentinin köməkçisi Sergey Prixodko bildirib.
"Azərbayacnın Kollektiv Təhlükəsizlik Müqaviləsi"nə üzv olmamasına, əksinə, GUAM-a daxil olmasına baxmayaraq, bu, əsas beynəlxalq məsələlər üzrə əməkdaşlığımızın sürətləndirilməsinə heç vəchlə təsir etmir. Biz regiondakı vəziyyət və digər məsələlər üzrə mütəmadi fikir mübadiləsi edirik. İlham Əliyev MDB-nin saxlanılmasının və bu mütəmadi formatın qorunmasının tərəfdarıdır", - Prixodko qeyd edib.
"2007-ci ilin oktyabrında Tehranda ikinci Xəzər Dənizi Sammiti zamanı nail olunmuş razılaşmalar kontekstində, prezidentlər Xəzər dənizinin beynəlxalq-hüquqi statusu və Xəzərdə təhlükəsizliyin təmini problemlərini nəzərdən keçirəcəklər",- deyən dövlət başçısının köməkçisi qeyd edib ki, üçüncü Xəzər Dənizi Sammitinin cari ilin yayında Bakıda keçiriləcəyi planlaşdırılıb.
İki ölkə başçısının danışıqlarında "İranın nüvə proqramı məsələsinə toxunulacaq". "Moskvada, qonşu ölkədə çox sayda azərbaycanlıların yaşamasını nəzərə alraq, Azərbaycanda İrandakı vəziyyətə necə münasibət bəslənməsini bilmək istəyirlər", - Prixodko deyib.
Danışıqlarda xüsusi
diqqət "Dağlıq Qarabağ münaqişəsinin tənzimlənməsi
üzrə fikir mübadiləsinə yetiriləcək". "Bu
problem iyunun 6-da Sankt-Peterburqda Ermənistan və Azərbaycan prezidentlərinin
ilk görüşlərinin nəticələri üzrə
Rusiya və Azərbaycan prezidentlərinin
görüşündə müzakirə edilib", - deyə Prixodko
xatırladıb.
"Rusiya tənzimlənmənin
kompromis variantının tapılmasına fəal
köməklik göstərməyi davam etməyə
hazırdır. Rusiyanın Qarabağ üzrə prinsipal
mövqeyi dəyişməz qalır", - o, qeyd edib. Son
tənzimləmə formulunun seçimi azərbaycanlıların
və ermənilərin üzərinə düşür.
Rusiya münaqişəyə cəlb edilən
tərəflərin qəbul edəcəyi problemin həll
variantını dəstəkləməyə, kompromiss
razılaşma əldə edildikdə isə,
tənzimlənmənin qarantı kimi çıxış
etməyə hazır olacaq.