Azərbaycan, Bakı, 18 avqust/ Trend , müxbir E.Əliyev/ Azərbaycan XİN ölkədə qarşıdan gələn prezident seçkilərini müşahidə etmək üçün beynəlxalq təşkilatlara dəvətnamələr göndərib.
"Onların arasında ATƏT, AŞPA, GUAM, MDB var. ATƏT və AŞPA artıq müşahidəçilərin tərkibini müəyyən ediblər", - Azərbaycan Xarici İşlər Nazirliyinin mətbuat katibi Xəzər İbrahim bazar ertəsi jurnalistlərə bildirib.
Azərbaycanda prezident seçkiləri oktyabrın 15-də keçiriləcək. Azərbaycan MSK-sı 15 namizədi qeydiyyata alıb.
"ATƏT-dən Azərbaycana sloveniyalı diplomat Boris Firliçin başçılığı ilə 30 uzunmüddətli və 450 qısamüddətli müşahidəçi göndəriləcək. ATƏT-in missiyası faktiki olaraq qısamüddətli müşahidəçilərin gəlişi ilə sentyabrın 7-də başlayacaq", - İbrahim bildirib. AŞPA-dan Andres Herkelin başçılığı ilə 30 müşahidəçinin gələcəyi gözlənilir.
Müəlliflə əlaqə saxlamaq üçün elektron ünvan: [email protected]