Azərbaycan, Bakı, 03 oktyabr / Trend / Azərbaycan prezidenti İlham Əliyev oktyabrın
3-də Yunanıstan Respublikasının ölkəmizdə
yeni təyin olunmuş səfiri İonannis Metaksasın
etimadnaməsini qəbul edib.
Görüşdə müxtəlif səviyyəli
qarşılıqlı səfərlərin
əhəmiyyətindən danışan prezident İlham
Əliyev bu səfərlərin
əməkdaşlığın genişləndirilməsi
baxımından rolunu xüsusi qeyd edib. Səfirə
fəaliyyətində uğurlar arzulayan dövlət
başçısı ümidvar olduğunu bildirib ki, onun
ölkəmizdəki diplomatik fəaliyyəti dövründə
ikitərəfli əlaqələr daha da
genişlənəcək.
İki ölkə arasında
əlaqələrin inkişafı üçün geniş
imkanların olduğunu deyən səfir dövlət
başçısını əmin edib ki,
Azərbaycandakı diplomatik fəaliyyəti
dövründə bu əlaqələrin
genişləndirilməsi üçün səylərini
əsirgəməyəcək.
Mяqalя mцяllifi ilя яlaqя цnvanы: [email protected]