Azərbaycan, Bakı, 02 iyun / Trend , müxbir E.Tariverdiyeva /
"Azərbaycanın Fransadakı səfirliyi Atlantik okeanı üzərində itmiş Air France aviaşirkətinə məxsus təyyarədə Azərbaycan vətəndaşlarının olub-olmamasını araşdırır", - çərşənbə axşamı Trend -a Parisdən telefonla səfirliyin əməkdaşı deyib.
"İtmiş təyyarədə Azərbaycan vətəndaşlarının olub-olmaması haqda hələ heç bir məlumatımız yoxdur, amma bu istiqamətdə işləri davam etdiririk", - o bildirib.
"Air France aviaşirkətinə məxsus А-330 layneri ilə əlaqə bazar ertəsi, təyyarə Atlantik okeanı üzərində, Braziliya və Seneqal sahilləri arasında olduğu zaman itib", - ИТАР-ТАСС məlumat verir.
İlkin məlumatlara görə, А-330 aerobusu radarlardan itən zaman 11 km hündürlükdə olub.
Məqalə müəllifi ilə əlaqə ünvanı: [email protected]