...

Azərbaycanda hüquqpozucularının 12 faizdən çoxunu qadınlar təşkil edib

Siyasət Materials 16 İyun 2009 15:37 (UTC +04:00)

Azərbaycan, Bakı, 16 iyun / Trend , müxbir K.Zərbalıyeva /

Azərbaycanda bu ilin 5 ayında daxili işlər orqanları tərəfindən 8813 cinayət hadisəsi qeydə alınıb və hüquqpozucularının 12,3 faizini qadınlar təşkil edib.

Dövlət Statistika Komitəsindən Trend -a verilən məlumata görə, əhalinin hər yüz min nəfərinə 102 cinayət hadisəsi düşür.

Əməliyyat-istintaq tədbirləri nəticəsində hesabat dövründə cinayətlərin 4669-u açılıb.

Törədilmiş cinayətlər 3859 nəfərin xəsarəti ilə nəticələnib. Xəsarət alanların 55,4 faizi kişi, 44,6 faizi qadınlardır.

Yanvar-may aylarında aşkar edilmiş 6798 hüquqpozucusunun 5450 nəfəri cinayət məsuliyyətinə cəlb olunub.

Aşkar edilənlərin 82,8 faizi əmək qabliyyətli yaşda olub və heç bir yerdə oxumayan və işləməyənlərdir.

Hüquqpozucularının 9,7 faizi əvvəllər cinayət törədənlər, 2,2 faizi 14-17 yaşlı uşaqlardır.

Məqalə müəllifi ilə əlaqə ünvanı: [email protected]

Xəbər lenti

Xəbər lenti