Azərbaycan, Bakı, 09 noyabr / Trend , müxbir R.Hafizoğlu/
Türkiyənin Səadət Partiyasının lideri Numan Kurtulmuş Türkiyə hakimiyyəti və müxalifətinin ölkədə mövcüd olan kürd probleminin həlli üçün nəzərdə tutulan "Demoratik açılım planı"nda səhvlərə yol verdiyini bildirib.
"Türkiyə hakimiyyəti və müxalifəti "Demokratik açılım planı"nda səhvlərə yol verib", - deyə bazar ertəsi Kurtulmuş Ankaradan telefonla Trend - a bildirib.
Trend -un arayışı: Türkiyənin Baş naziri Rəcəb Tayyib Ərdoğan hakim Ədalət və İnkişaf Partiyasının keçirdiyi toplantıda Türkiyənin nə olursa olsun, ölkədə mövcud olan kürd problemini həll edəcəyini bildirib. Baş nazir bundan əvvəl bu problemin həlli üçün kürdyönlü Demokratik Toplum Partiyasının (DTP) lideri Əhməd Türk ilə görüşüb. Baş nazir bu görüşün müsbət keçdiyini və tez bir zamanda ölkədə mövcud olan kürd problemi həllinin tezləşəcəyini bildirib. DTP lideri Türk də bu görüşün ikitərəfli dialoqun yaranması üçün başlanğıc olduğunu bildirib. Türkiyənin əsas müxalifət partiyasının lideri Dəniz Baykal isə bu görüşü hakimiyyətin terroru dəstəkləyənlərlə görüşü kimi dəyərləndirib. Avqustun 13-də Türkiyənin daxili işlər naziri Bəşir Atalay da DTP lideri Türk ilə görüşüb.
Türkiyənin Milliyətçi Hərəkat Partiyasının (MHP) lideri Devlet Bahçeli partiyanın keçirdiyi mətbuat konfransında ölkədəki hakim AKP ilə PKK terror təşkilatının eyni düşüncədə olduğunu bildirib.
Türkiyənin müxalif Cümhuriyyət Xalq Partiyasının (CHP) lideri Dəniz Baykal həmçinin keçirdiyi mətbuat konfransında terrorla mübarizə aparmadan terrora qalib gəlməyin qeyri-mümkün olduğunu bildirib.
PKK terror təşkilatının həbsdə olan lideri Abdulla Öcalanın müraciəti ilə oktyabrın 19-da İraqın şimalındakı Mahmur terror düşərgəsindən təslim olmaq üçün 26 nəfər yola çıxıb və elə həmin gün Türkiyə arazisinə çataraq təhlükəsizlik qüvvələrinə təslim olublar. Ölkənin daxili işlər naziri Bəşir Atalay təhlükəsizlik qüvvələrinin daha 150 terrorçunun təslim olacağını gözlədiyini bildirib. Təslim olan terrorçuların İraq-Türkiyə sərhədində PKK-nın bayrağı və xüsusi təmtəraqla qarşılanması ölkə müxalifətinin kəskin etirazına səbəb olub. Təslim olan terrorçuların hamısı azadlığa buraxılıb.Türkiyə Ordusunun Baş Qərargah rəisi İlker Başbuğ İraqın şimalındakı Mahmur düşərgədisindən təslim olmaq üçün Türkiyəyə gələn terrorçuların təntənə ilə qarşılanmasının yolverilməz olduğunu bildirərək, Türkiyənin müdafiəsiz olmadığını bildirib.Noyabrın 10 da Türkiyə Parlamentində demokratik açılım palanının müzakirəsi gözlənilir
Kurtulmuşun zölərinə görə, "demokratik açılım planı"nın təqdim edilməsindən dörd ay keçməsinə baxmayaraq, hakimiyyət nə konkret addımlar atıb, nə də hansı şəkildə fəaliyyət göstərəcəyi haqda bir açıqlama verib.
"Təəssüflər olsun ki, ölkə müxalifətində olan Milliyətçi Hərəkat Partiyası və Cumhuriyyət Xalq Partiyası da bu problemin həllinin qəti əleyhinədirlər", - deyə o qeryd edib.
Kurtulmuş onu da qeyd edib ki, ölkədəki kürdyönlü Demokratik Toplum Pariyası (DTP) müzakirələrdə həbsdə olan PKK lideri Abdullah Öcalanın da iştirakının vacibliyini ortaya qoyaraq, bu problemin həllini tapmamasında maraqlı olduğunu göstərdi.
"Təəssüflər olsun ki, "Demokratik açılım planı" bu günə qədər ölkə Parlamentində müzakirə olunmayıb", - deyə Kurtulmuş əlavə edib.