Gürcüstan, Tbilisi, 19 fevral / Trend , müxbir N.Kirsxaliya/
"Gürcüstan Statistika Komitəsi"nin icraçı direktoru Zaza Çelidze fevralın 19-da BMT-nin Statistika Komissiyasının 41-ci sessiyasında iştirak etmək üçün ABŞ-a yola düşəcək.
"Gürcüstan Statistika Komitəsi"ndən Trend -a verilən məlumata əsasən, Zaza Çelidze özünün xarici həmkarlarına Gürcüstanda yeni statistika xidmətinin yaradılması haqqında məlumat verəcək. Onları işlərin prioritet istiqamətləri və gələcək planlar ilə tanış edəcək.
BMT-nin Statistika Komissiyasında yüksək səviyyədə görüşlərin keçirilməsi planlaşdırılır.
Çelidze "Məlumatların yayılması və kommunikasiyada yeni tendensiyalar" mövzusundakı seminarda, həmçinin "Milli statistika sistemləri səmərəlidirmi?" forumunda iştirak edəcək.
Zaza Çelidzenin ABŞ-a səfəri fevralın 26-da başa çatacaq.