Azərbaycan, Bakı, 5 mart / Trend , müxbir A.Hüseynbala/
Azərbaycan ombudsmanı Elmira Süleymanova ikinci müddətə insan haqları üzrə müvəkkil seçilib.
Trend -un məlumatına görə, Milli Məclisin bu gün keçirilən iclasında 3 namizəd sırasından Elmira Süleymanova 106 səs lehinə, 7 səs əleyhinə olmaqla ombusdman seçilib.
Prezidenti İlham Əliyev Konstitusiyanın 109-cu maddəsinin 14-cü bəndinə uyğun olaraq ombudsmanın seçilməsi üçün üç namizədin siyahısını Milli Məclisə göndərib.
Namizədlər hazırkı ombudsman Elmira Süleymanova, Ədliyyə Nazirliyinin İnsan Hüquqları və İctimaiyyətlə Əlaqələr İdarəsinin rəisi Faiq Qurbanov və BMT-nin İnsan Hüquqları üzrə Ali Komissarlığının Azərbaycandakı təmsilçisi Teymur Məlikaslanov idi.