Azərbaycan, Bakı, 13 may /Trend, müxbir K.Zərbalıyeva/
Azərbaycan polisi saxta diplom satan şəxsi saxlayıb.
Daxili İşlər Nazirliyinin mətbuat xidmətinin cümə axşamı yaydığı məlumata görə, Baş Mütəşəkkil Cinayətkarlıqla Mübarizə İdarəsi əməkdaşlarının həyata keçirdikləri əməliyyat-axtarış tədbirləri nəticəsində saxlanılan İmişli rayon sakini Qiyas Məmmədov Biləsuvar rayonunun Ağayrı kənd sakini Rövşən Haqverdiyevə, Mehparə Nəcəfovanın adına Bakı Slavyan Universitetinin "Filologiya" fakültəsini bitirməsi barədə saxta diplomu 5 000 manata satıb.
Faktla bağlı cinayət işi başlanılıb, istintaq aparılır.