Azərbaycan, Bakı, 1 iyun /Trend, müxbir S.Süleymanov/
Astanada Qazaxıstanın birinci prezidentinin muzeyinin qabağındakı parkda bu gün Qazax xanlığının əsasını qoyan Janibek və Kerey şərəfinə ucaldılan heykəlin təntənəli açılışı baş tutacaq. Bu haqda paytaxtın akiminin (merinin) mətbuat xidməti xəbər verir.
Heykəlin açılışı mərasimi Qazaxıstan Prezidenti Nursultan Nazarbayevin iştirakı ilə baş tutacaq.
Astanada qazax xanları Kerey və Janibekin heykəllərinin ucaldılması barədə qərar Astanada keçən ilin oktyabrında açılan "Кazak еli" dövlət abidəsi ətrafında yaranan qalmaqaldan sonra qəbul edilib. Əvvəlcə bu kompleksdə Janibek və Kereyin heykəllərinin qoyulması planlaşdırılıb. Amma sonra layihəyə dəyişikliklər edilib. Bu dəyişikliklərə əsasən, abidənin layihəsinə bu xanların Çində əvvəlcədən xüsusi sifarişlə hazırlanmış bürünc heykəlləri daxil olunmayıb.
