Azərbaycan, Bakı, 17 sentyabr /Trend, müxbir Ü.Sadıxova/
Özbəkistan və tükdili ölkələr arasında fikir ayrılığı varsa, bunu həll etmək lazımdır. Türkiyə parlamentinin deputatı Mustafa Kabakçı belə hesab edir.
"Özbəkistan türkdilli ölkələrdən biridir, biz onun rolunu və töhfəsini həmişə yüksək qiymətləndiririk. Özbəkistan ilə hansısa fikir ayrılıqları varsa, bu, türkdilli dövlətlər çərçivəsində həll edilməlidir", - Trend-ə Ankaradan telefonla parlamentin Azərbaycan-Türkiyə dostluq qrupunun sədri Kabakçı bildirib.
Cümə axşamı İstanbulda keçirilən Türkdilli ölkələrin dövlət başçılarının sammitində Özbəkistan iştirak etməyib və xüsusi nümayəndəsini göndərməyib.
"Sammitdə heç bir ölkə Özbəkistana irad tutmayıb. Çox güman ki, Daşkənd sammitin keçirilməsini və Türkdilli Ölkələrin Əməkdaşlıq Şurasının yaradılmasını başqa cür qiymətləndirir. Bu problemi qardaşlıq münasibətləri çərçivəsində həll etmək lazımdır", - Kavakçı deyib.