Azərbaycan, Bakı, 6 oktyabr /Trend, müxbir K. Zərbalıyeva/
Axtarışda olan Azərbaycan vətəndaşı Qazaxıstanda tutulub.
Daxili İşlər Naziliyi mətbuat xidmətinin çərşənbə axşamı yaydığı məlumata görə, Şəmkir Rayon Polis Şöbəsi əməkdaşlarının həyata keçirdikləri əməliyyat-axtarış tədbirləri nəticəsində, Qazaxıstanın Astana şəhərində tutulan Elmixan Tağıyevin ekstradisiyası üçün tədbirlər görülür.
Tağıyev Azərbaycan Cinayət Məcəlləsinin quldurluq (181) və qanunsuz olaraq odlu silah əldə etmə, satma, saxlama, daşıma və gəzdirmə (228-ci) maddələri ilə axtarışda olub.