Azərbaycan, Bakı, 18 noyabr / Trend müxbir S.Ağayeva/
Azərbaycan Xarici İşlər Nazirliyi Gürcüstanın Tsxinvali regionunda - Cənubi Osetiyada noyabrın 13-də keçirilmiş qondarma "prezident seçkiləri" ilə bağlı bəyanat verib.
Nazirlikdən cümə günü Trend-ə verilən məlumata görə, bəyanatda XİN Gürcüstanın ərazi bütövlüyünü və suverenliyini qəti şəkildə dəstəklədiyini bir daha bildirir və Cənubi Osetiyada keçirilmiş qondarma "prezident seçkiləri"ni tanımadığını bəyan edir.
Bəyanatda qeyd edilir ki, XİN münaqişənin öz mümkün həllini tapması üçün hazırkı danışıqlar prosesinin konstruktiv şəkildə davam etdirilməsinin vacibliyinə qətiyyətlə inanır.