Azərbaycan, Bakı, 7 noyabr /Trend, müxbir H.Vəliyev/
Azərbaycanın da, Ukraynanın da səyləri GUAM-ın işində iqtisadiyyatın daha çox yer tutmasına yönəlib. Trend-in məlumatına görə, bu barədə çərşənbə günü Bakıda mətbuat konfransında Ukraynanın Azərbaycandakı səfiri Aleksandr Mişenko bildirib.
Onun sözlərinə görə, bu, kiçik format deyil - bütün tərəflər üçün faydalı ola biləcək münasib variantları tapmağın mümkün olduğu dörd ölkədir. "Bu, ilk növbədə, nəqliyyat layihələri, iqtisadi layihələr və digərləridir", - səfir deyib.
Diplomat bildirib ki, hər kəs GUAM-ın imkanlarını müsbət qiymətləndirir.
Səfirin sözlərinə görə, Ukrayna və Azərbaycan GUAM-ın fəal iştirakçılarıdır: "Təşkilatın XİN rəhbərləri səviyyəsində Kiyevdə keçirilən sonuncu yubiley iclası göstərdi ki, qurumun gələcəyi var və biz buna kifayət qədər praqmatik yanaşırıq".