Azərbaycan, Bakı, 11 iyun /Trend, müxbir R.Hafizoğlu/
Türkiyə hökuməti ölkədə problemin yaranmasında maraqlıdır. Trend-in çərşənbə axşamı "TRT Haber" telekanalına istinadən verdiyi məlumata görə, bunu Milliyyətçi Hərəkat Partiyasının (MHP) sədri Dövlət Bağçalı partiyanın qurultayında çıxışı zamanı deyib.
Məlumata görə, Bağçalı, həmçinin ölkə gənclərini təxribatlara uymamağa çağırıb.
MHP lideri bildirib: "Türkiyə gəncləri hakimiyyəti devirməyə qadirdirlər, lakin bunu kütləvi iğtişaşlarla deyil, demokratiya yolla etmək lazımdır".
O, həmçinin əlavə edib ki, ölkə gəncləri Ərdoğan hökumətini yalnız demokratik yolla istefaya göndərməlidir.