Azərbaycan, Bakı, 1 oktyabr /Trend, müxbir R.Hafizoğlu/
İslam Əməkdaşlıq Təşkilatının (İƏT) baş katibi Ekmələddin İhsanoğlu Rusiya XİN rəhbəri Serqey Lavrovla Suriya böhranını müzakirə edəcək. Trend-in məlumatına görə, bu barədə çərşənbə axşamı təşkilatın rəsmi saytında yerləşdirilən məlumatda bildirilir.
Məlumata görə, bu müzakirələrdə əsas prioritetlərdən biri Yaxın Şərqdəki vəziyyət olacaq.
İƏT-in məlumatında həmçinin bildirilir ki, görüş zamanı ikitərəfli münasibətlər də müzakirə olunacaq. İƏT baş katibinin Rusiyaya səfəri oktyabrın birində başlayacaq.