Azərbaycan, Bakı, 9 iyul /Trend, müxbir Rufiz Hafizoğlu/
Türkiyənin xarici işlər naziri Əhməd Davudoğlu İslam Əməkdaşlıq Təşkilatının (İƏT) keçmiş baş katibi, prezidentliyə namizəd Ekmələddin İhsanoğlunun ərəb-İsrail münaqişəsi ilə bağlı bəyanatını tənqid edib.
Trend-in Türkiyənin "Sabah" qəzetinə istinadən verdiyi xəbərə görə, Ə.Davudoğlu deyib: "E.İhsanoğlu əvvəllər rəhbərlik etdiyi təşkilatın məqsədinin Fələstin məsələsinin həlli olduğunu unudub".
Nazir qeyd edib ki, Türkiyəni ərəb-İsrail məsələsində bitərəfliyə səsləyənlər bilmədən Fələstin torpaqlarının işğalını dəstəkləyirlər.
Qeyd edək ki, bundan öncə E.İhsanoğlu Ankaranı ərəb-İsrail məsələsində bitərəf olmağa çağırıb.