...

Azərbaycan və Moldova ikitərəfli münasibətlərin inkişafı perspektivlərini müzakirə edəcəklər

Siyasət Materials 29 Avqust 2014 13:08
Moldova Baş nazirinin müavini, xarici işlər və Avropaya inteqrasiya üzrə nazir Natalia German Bakıda Azərbaycan və Moldova münasibətlərinin perspektivlərini müzakirə edəcək.
Azərbaycan və Moldova ikitərəfli münasibətlərin inkişafı perspektivlərini müzakirə edəcəklər

Trend-i buradan izləyin

Azərbaycan, Bakı, 29 avqust /Trend, müxbir Səba Ağayeva/

Moldova Baş nazirinin müavini, xarici işlər və Avropaya inteqrasiya üzrə nazir Natalia German Bakıda Azərbaycan və Moldova münasibətlərinin perspektivlərini müzakirə edəcək.

Danışıqlar xanım N.Germanın sentyabrın 8-9-da Bakıya səfəri çərçivəsində aparılacaq. Bu barədə Trend-ə Moldovanın Azərbaycandakı səfiri İqor Bodiu bildirib.

Onun sözlərinə görə, sentyabrın 8-də Moldova Baş nazirinin müavini, xarici işlər və Avropaya inteqrasiya üzrə nazir rəsmi səfəri çərçivəsində azərbaycanlı həmkarı Elmar Məmmədyarovla danışıqlar aparacaq, Azərbaycanın rəsmi şəxsləri ilə görüşlər keçirəcək.

Nazir sentyabrın 9-da Bakıda Aİ-nin "Şərq Tərəfdaşlığı" proqramının iştirakçısı olan ölkələrin XİN rəhbərlərinin qeyri-formal görüşündə iştirak edəcək.

Azərbaycan və Moldova strateji tərəfdaşdırlar. Hər iki ölkə həm ikitərəfli, həm də regional beynəlxalq səviyyələrdə fəal əməkdaşlıq edirlər.

Azərbaycan Dövlət Gömrük Komitəsinin (DGK) məlumatına görə, 2014-cü ilin yanvar-iyul aylarında Azərbaycan və Moldova arasında əmtəə dövriyyəsi 3204,95 min dollar təşkil edib.

Məqalədə:
Xəbər lenti

Xəbər lenti