Azərbaycan, Bakı, 20 oktyabr /Trend/
Azərbaycan Prezidenti İlham Əliyev Nazim İsmayılovun "Şöhrət" ordeni ilə təltif edilməsi haqqında sərəncam imzalayıb.
Sərəncamda qeyd olunur ki, Azərbaycan Respublikasında ərazilərin minalardan təmizlənməsi işinin təşkilində xidmətlərinə görə Nazim Ələkbər oğlu İsmayılov "Şöhrət" ordeni ilə təltif edilsin.
Qeyd edək ki, N.İsmayılov Azərbaycan Respublikası Ərazilərinin Minalardan Təmizlənməsi üzrə Milli Agentliyin (ANAMA) direktorudur.