Bakı. Elçin Mehdiyev - Trend:
Azərbaycanda fevralın 9-a təyin edilmiş növbədənkənar parlament seçkilərində seçicilərin səsverməsi üçün lazımi şərait yaradılacaq.
Trend-in məlumatına görə, bunu Mərkəzi Seçki Komissiyasının (MSK) sədri Məzahir Pənahov komissiyanın bu gün keçirilən iclasında deyib.
M.Pənahov qeyd edib ki, ümumilikdə 5575 seçki məntəqəsi fəaliyyət göstərəcək.
MSK sədri bildirib ki, məntəqələrin hamısına bütün lazımi şərait yaradılacaq ki, Azərbaycan vətəndaşları öz səsvermə hüquqlarını layiqincə reallaşdıra bildirsinlər.
M.Pənahovun sözlərinə görə, müşahidəçilər üçün də rahat şərait yaradılacaq ki, onlar öz missiyalarını yerinə yetirə bilsinlər.