...

Elin Süleymanovla ABŞ-dakı Azərbaycan icmasının üzləri arasında video görüş keçirilib (FOTO)

Siyasət Materials 24 İyul 2020 11:56 (UTC +04:00)
Elin Süleymanovla ABŞ-dakı Azərbaycan icmasının üzləri arasında video görüş keçirilib (FOTO)

Bakı. Trend:

23 iyul tarixində ABŞ-da fəaliyyət göstərən Amerikada Azərbaycan Cəmiyyətlərinin Konqresinin (Congress of Azerbaijani Societies of America – CASA) təşəbbüsü və dəvəti ilə Azərbaycanın ABŞ-dakı səfiri Elin Süleymanov ilə ABŞ-nın müxtəlif ştatlarında yaşayan çoxsaylı icma üzvləri arasında video görüş keçirilmişdir. CASA şəbəkəsi müstəqil və könüllülərin şəbəkə platforması olaraq Texas, Massaçusets, Nyu York, Nyu Jersi, Kaliforniya və Floridada yaşayan soydaşların təşəbbüsü və əməkdaşlığı nəticəsində yaranmışdır.

Azərbaycanın ABŞ-dakı səfirliyindən Trend-ə verilən məlumata görə, ilk olaraq Azərbaycan-Ermənistan dövlət sərhədinin Tovuz istiqamətində baş vermiş döyüşlərdə şəhid olan hərbiçilər və həlak olan dinc sakinin ruhuna bir dəqiqəlik sükutla yad edilmişdir.

Səfir Süleymanov icma üzvlərinin təşəbbüsünü qiymətləndirmiş, son günlərdə ABŞ-da yaşayan Azərbaycanlıların çətin vəziyyətlə üzləşdiyini qeyd etmiş və icma üzvlərinin bir araya gələrək gündəlikdə qoyulan məsələləri və növbəti addımları birlikdə müzakirə etməyin faydalı olacağını bildirmişdir. Səfir Azərbaycanın ABŞ Konqresi ilə və digər dövlət qurumları ilə fəaliyyəti barədə məlumat vermiş və ABŞ -Azərbaycan ikitərəfli münasibətlərə dəstəyə və töhfələrinə görə icma üzvlərinə dərin təşəkkürünü bildirmişdir. Eyni zamanda erməni lobbisinin ölkəmizə qarşı təxribatların artmasını nəzərə alaraq Azərbaycan icmasını daha da fəal olmasına çağırış etmişdir.

Daha sonra ABŞ ştatları üzrə Ermənistanın təcavüznə qarşı ştatlarda keçirilmiş aksiyalarda icmanın iştirakı barədə danışmış, o cümlədən erməni lobbi üzvlərinin paytaxt Vaşinqtonda Səfirliyin qarşısında keçirdiyi aksiyaya qarşı müxtəlif ştatlardan vətəndaşlarımız və soydaşlarımızın bir yerə gələrək Azərbaycan dövlətinə, üçrəngli bayrağımıza və Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyevə dəstək verməsinə və sivil şəkildə qarşı tərəfin susdurulmasında iştirak etdikləri üçün təşəkkürünü bildirmişdir. Səfir qeyd etdi ki, vətəndaşlarımız və soydaşlarımızın etiraz askiyasında təmkinli və mədəni davranışı digərlərinə nümunə kimi göstərilə bilər və ermənilərin olduqca aqressiv və vəhşi aparması ilə heç cürə müqayisə oluna bilməz.

Həmçinin Kaliforniya ştatı Los Anceles şəhərində baş vermiş aksiyalarda hadisələri təəssüf hissi ilə xatırlamış və xəsarət alanlar barədə məlumat verərək Azərbaycan Respublikasının Prezidenti cənab İlham Əliyevin göstərişi ilə onlara dövlət tərəfindən ehtiyac olan hərtərəfli dəstəyin veriləcəyini demişdir. Hal-hazırda ABŞ-da diplomatik missiyaları da daxil olmaqla Azərbaycan vətəndaşlarına erməni radikal qrupları tərəfindən real təhdidin olması nəzərə alaraq soydaşları olduqca ehtiyatlı və təhlükəsizliklərini qorumağı çağırış etmişdir. İcma üzvlərinin gərgin hissləri və onların haqlı qəzəbini anladığını və bölüşdüyünü, eyni zamanda erməni radikalların təxribatlarına uymamalara və birlik nümayiş etdirərək təmkinli və soyuqqanlı olmağa çağırmışdır.

İki saatdan çox davam edən müzakirə geniş mövzuları əhatə etmişdir.

Məqalədə:
Xəbər lenti

Xəbər lenti