...

Ceyhun Bayramov Antalyada Ruslan Kazakbayevlə görüşüb

Siyasət Materials 11 Mart 2022 20:45 (UTC +04:00)
Ceyhun Bayramov Antalyada Ruslan Kazakbayevlə görüşüb

Bakı. Trend:

11 mart 2022-ci il tarixində Azərbaycan Respublikası xarici işlər naziri Ceyhun Bayramov Antalya Diplomatiya Forumunda iştirakı çərçivəsində Qırğız Respublikasının xarici işlər naziri Ruslan Kazakbayev ilə görüşüb.

Xarici İşlər Nazirliyindən Trend-ə verilən məlumata görə, görüş zamanı nazirlər Azərbaycan və Qırğızıstan arasında ikitərəfli əməkdaşlıq gündəliyinə daxil olan məsələlər, beynəlxalq təşkilatlar çərçivəsində əməkdaşlıq, habelə regional təhlükəsizlik məsələlərini müzakirə ediblər.

Nazirlər ikitərəfli əlaqələrin inkişafından məmnunluq ifadə edərək, iki ölkə arasında siyasi dialoqun yüksək səviyyədə olduğunu vurğulayıblar.

Görüşdə, həmçinin, ikitərəfli müqavilə-hüquq bazasının genişləndirilməsi, siyasi, iqtisadi, humanitar, mədəniyyət və digər sahələrdə əməkdaşlığın möhkəmləndirilməsinə dair qarşılıqlı razılıq ifadə edilib. Bildirilib ki, ölkələrimiz arasında münasibətlərin inkişafında dövlət başçılarının qarşılıqlı səfərləri və aparılan danışıqlar xüsusi rol oynayır.

Tərəflər iki ölkə arasında Birgə Hökumətlərarası Komissiyanın iclasının keçirilməsinin, həmçinin Xarici İşlər Nazirlikləri arasında siyasi məsləhətləşmələrin həyata keçirilməsinin münasibətlərin inkişafına daha da təkan verəcəyini ifadə ediblər.

Daha sonra tərəflər arasında qarşılıqlı maraq doğuran digər məsələlər, o cümlədən regional və beynəlxalq təhlükəsizlik məsələləri müzakirə olunub.

Məqalədə:
Xəbər lenti

Xəbər lenti