Bakı. Trend:
Azərbaycanla əməkdaşlığımızı hər sahədə inkişaf etdirməyədavam edəcəyik.
Trend xəbər verir ki, bu barədə Türkiyənin vitse-prezidenti Cevdet Yılmaz özünün "Twitter" səhifəsində yazıb.
"Azərbaycanın iqtisadiyyat naziri Mikayıl Cabbarovu və onu müşayiət edən nümayəndə heyətini Prezident Kompleksində qəbul etdik.
Can qardaşımız və can dostumuz olan Azərbaycanla əməkdaşlığımızı hər sahədə inkişaf etdirməyə davam edəcəyik.
Bu münasibətlə bütün azərbaycanlı qardaşlarıma salamlarımı və sevgilərimi çatdırıram", - deyə C.Yılmaz bildirib.