Prezident İlham Əliyev Ulu Öndər Heydər Əliyevin siyasi kursunun layiqli davamçısıdır.
Trend xəbər verir ki, bunu Baş prokuror Kamran Əliyev Prezident İlham Əliyevin siyasi hakimiyyətə gəlişinin 20-ci ildönümü ilə bağlı keçirilən tədbirdə çıxışı zamanı deyib.
K.Əliyev bildirib ki, hər bir cəmiyyətin əsasını təşkil edən iqtisadiyyatın inkişafını qeyd etməliyik.
"Prezident İlham Əliyevin uğurlu strategiyası nəticəsində Azərbaycan iqtisadiyyatı çox şaxəli şəkildə inşaf edib. İqtisadiyyatın inkişafı digər sahələrin inkişafına da müsbət təsirini göstərib", - deyə Baş prokuror əlavə edib.
Qeyd edək ki, oktyabrın 14-də Baş Prokurorluqda “Müzəffər Ali Baş Komandan İlham Əliyevin Azərbaycan Prezidenti seçilməsinin 20-ci ildönümü ilə əlaqədar” təntənəli mərasim keçirilir. Tədbirdə Baş prokuror Kamran Əliyev də iştirak edir.