...

"GƏNC AZƏRBAYCAN-YENİ ADLAR" SEÇKİ BLOKU PARLAMENT SEÇKİSİNDƏ 7 NAMİZƏDLƏ İŞTİRAK EDİR

Siyasət Materials 11 Avqust 2005 13:50 (UTC +04:00)

"Gənc Azərbaycan-Yeni Adlar" Seçki Bloku namizədlərin siyahısını açıqlayıb. Blokun koordinatoru Fərhad Məmmədov Trend ə bildirib ki, "Gənc Azərbaycan-Yeni Adlar" parlament seçkisində 7 namizəd irəli sürüb.

Rüstəm Əliyev 54 saylı Dəvəçi-Siyəzən seçki dairəsindən, Elşad İsgəndərov 87 saylı Ağsu-İsmayıllı dairəsindən, Azər Əmiraslanov 98 saylı Şəmkir şəhər dairəsindən, İbrahim Səfərzadə 88 saylı Göyçay kənd dairəsindən, Fuad Muradov 29 saylı Səbail, Əkrəm Abdullayev 59 saylı Salyan şəhər, İlqar Orucov 12 saylı Qaradağ-Binəqədi-Yasamal seçki dairəsindən namizədliklərini irəli sürüblər.

Blokun namizədlərindən beşi artıq imza vərəqələrini götürüblər və hazırda imzatoplama kampaniyaları gedir.

"Gənc Azərbaycan-Yeni Adlar" həmçinin bu bloka daxil olmayan 3-4 nəfər şəxsin namizədliyini də dəstəkləyir. Blokun seçkidə təbliğatını təşkil etmək məqsədilə "Gənc Azərbaycan-Yeni Adlar" adlı qəzeti çap olunub.

Bu nəşrin seçkiyə qədər bir neçə sayının buraxılması və paylanması nəzərdə tutulub. Bundan başqa seçki bloku parlament seçkilərinə həsr olunmuş yeni sayt açıb, bura bütün namizədlər, seçki prosesi, seçki qanunvericiliyi və digər məsələlər haqqında məlumatlar daxil edilib.

Xəbər lenti

Xəbər lenti