Gürcüstan parlamentinin vitse-spikeri Cemal İnaişvili ikitərəfli əməkdaşlığın inkişafına dair Bakıda məsləhətləşmələr aparır. Bu barədə Trend ə Gürcüstanın Azərbaycandakı fövqəladə və səlahiyyətli səfiri Aleksandr Axvlediani məlumat verib.
Onun sözlərinə görə, fevralın 2-i səhər nümayəndə heyətini ölkənin parlament sədri Oqtay Əsədov qəbul edib. Görüş zamanı Azərbaycan parlamentinin yeni tərkibi ilə işgüzar münasibətlərin qurulması perspektivləri, ikitərəfli parlamentlərarası münasibətlər, həmçinin, beynəlxalq təşkilatlarda qarşılıqlı fəaliyyət məsələsi müzakirə olunub.
A.Axvlediani bildirib ki, səfər proqramına, həmçinin, "Yeni Azərbaycan" partiyasının icraçı katibi Əli Əhmədov və prezident İlham Əliyevlə də görüşlər daxildir. Səfər bir gün davam edəcək. Sabah nümayəndə heyəti Tiflisə qayıdır.
