Azərbaycan parlamentində təmsil olan bəzi müxalifətçi millət vəkillərindən ibarət qrup aktiv fəaliyyət göstərmir. Bu barədə Trend ə Böyük Quruluş Partiyasının sədri, millət vəkili Fazil Qəzənfəroğlu bildirib.
F.Qəzənfəroğlu bunu 2006-cı il mayın 13-də parlamentə keçiriləcək təkrar seçkilərə hazırlıqla əlaqələndirib. Bildirib ki, parlamentin yaz sessiyası zamanı müxalifətçi millət vəkillərindən ibarət qrupun iclası keçiriləcək və aktiv fəaliyyət göstərəcəkləri ilə bağlı məsələlər müzakirə olunacaq.
Partiya sədri onu da bildirib ki, tərəflərindən Xocalı soyqırımının 14-cü ildönümü ilə bağlı tədbirlər planı da hazırlanıb. Parlamentin yaz sessiyası martın 1-dən başlayacağından bu məsələni müzakirəyə çıxara bilməyəcəklərini deyən F.Qəzənfəroğlu deyib: "Bir sıra QHT və digər partiyalarla birlikdə faciə ilə bağlı tədbirlər həyata keçirəcəyik".
