Fevralın 27-dən martın 12-dək Salyan rayonunda AR Səhiyyə Nazirliyi, Ümumdünya səhiyyə təşkilatı, Vişnevskaya-Rostropoviç fondu BMT-nin uşaq fondu ilə birgə 7 - 23 yaş qrupları daxil olmaqla əhali arasında qızılca və məxmərəyə qarşı milli immunlaşdırma proqramı həyata keçirəcək. Proqram peyvənd məntəqələrində və məktəblərdə yerinə yetiriləcək. Peyvənd pulsuzdur. Bu məqsədlə yerli mətbuatda da məlumat verilib.
Rayon mərkəzi xəstəxanasının baş həkimi İbrahim Gəfərovun bildirdiyinə görə, bunun üçün artıq 32 briqada yaradılıb. Proqram çərçivəsində rayona pulsuz olaraq 8 soyuducu, 8 generator, 8 transformator gətirilib. Soyuduculardan vaksinlərin saxlanılması üçün istifadə olunacaq.
Eyni zamanda vaksinatorlar, yəni peyvənd vuranlar seminarlara cəlb edilərək sertifikatlar alıb.