"Bu günlərdə Gəncə şəhərinə qaz verilməsi dayandırıla bilər". Bu açıqlamanı əməkdaşımızla söhbətində Gəncə şəhər Qaz İstsmarı İdarəsinin rəisi Ramiz Mustafayev verib. Onun sözlərinə görə, Gəncə şəhəri mart ayında ümumi miqdarı 29 milyon 850 min m3 mavi yanacaq alıb. Ancaq təssüflər olsun ki, onun yalnız 14,4 faizinin dəyəri yığılıb. Əsas istifadəçilərin əhali olduğunu bildirən Mustafayev abonentlər tərəfindən ötən ayda 27 milyon 338 min m3 qaz işlədildiyini, bunun müqabilində isə 124 min 600 YAM ödənildiyini söyləyir. 20 sənaye, kommersiya və büdcə təşkilatlarından, o cümlədən 345 qeyri-dövlət təşkilatından pulların yığımında heç bir problem olmadığını söyləyən rəis əhalidən diqqətli olmağı və işlədilən qazın pulunu ödəməyi tələb edir. O bildirir ki, əks halda bütün Gəncə şəhəri qazsız qala bilər. Artıq Azəriqaz Səhmdar Cəmiyyəti bir neçə dəfə Gəncə Qİİ-ə xəbərdarlıq edib. Verilən məlumata görə, əgər aprel ayında da qaz pulunun yığımı 14-15 faiz olarsa, sərt addım atıljaq. Ramiz Mustafaevin sözlərinə görə,
idarə tərəfindən lokal şəkildə ayrı-yrı ərazilərin qazları dayandırılıb. Abonentlərə bildirişlər göndərilib. Bütün gücmüzlə işlədilən qazın heç olmazsa 45-50% pulunu yığmağa çalışacğıq.
Ramiz Mustafayevin dediyinə görə bu günədək Gəncə Qİİ tərəfindən 17000 sayğac quraşdırılıb. Vətəndaşların bu sayğaclara müdaxilə etməsindən gileylənən rəis 89 faktın qeydə alındığını, bunlardan 28 abonent haqqında qəti tədbirərin görülməsi və onların cəzalandırılması üçün aidiyyatı üzrə məhkəmələrə müraciət etdiklərini bildirdi. 54 nəfər isə cəriməni ödəmək şərti ilə qaz sayğaclarını öz hesablarına təzələyiblər.
