Bakı Şəhər İcra Hakimiyyəti Azərbaycan Milli İstiqlal Partiyasının (AMİP) avqustun 26-da etiraz aksiyası keçirməklə bağlı müraciətinə müsbət cavab verməyib. Bu barədə Trend ə AMİP-in təşkilat katibi Nazim Ələsgərov məlumat verib.
Qeyd edək ki, AMİP qərargah probleminin həll edilməməsinə etiraz olaraq avqustun 26-da saat 12.00-da Dövlət Əmlakının İdarə Edilməsi üzrə Dövlət Komitəsinin binası qarısında piket keçirməyi planlaşdırır. Bu məqsədlə Bakı Şəhər İcra Hakimiyyətinə təqdim olunan müraciətə cavab olaraq bildirilib ki, piketin keçirilməsi məqsədəuyğun sayılmır.