Tərtər rayonun İcra Hakimiyyəti tərəfindən keçirilən illik hesabat yığıncağında rayon icra Hakimiyyətinin başçısı Vidadi İsayev, prezidentin hərbi məsələlər üzrə köməkçisi Vahid Əliyev, millət vəkili Aynur Quliyeva iştirak edirdi. Trend in bölgə müxbiri xəbər verir, ki tədbiri giriş sözü ilə açan Rayon İcra Hakimiyyətinin başçısı V.İsayev 2005-ci ilə nisbətən 2006-cı ili rayonun inkişafı ili olduğunu qeyd ediərək bildirdi ki, regionların sosial-iqtisadi inkişafı dövlət proqrammı əsasında rayonun mərkəzində yenidənqurma və abadlıq işləri, Heydər Əliyev parkı inşa olunub.
V.İsayev bu il ən çox artımı kənd təsərrüfatı mallarında olub. Ümumi məhsulunun 20 min 371 manat təşkil etdiyini, sənaye məhsullarının 2,2% artdığını, çörək - bulka 105 ton, limonad 240 ədəd, qum 1117, 4 ton, çınqıl 523 ton artdığını bildirdi. Əmək bazarında bir il ərzində işləyən və işsiz əhalini əhatə edən iqtisadi fəal əhalinin sayı 54 min 447 nəfər, iqtisadiyatla məşğul olanların sayı 53 min 774 nəfər, işsiz struktura malik olan şəxslər 673 nəfər, bir il ərzində işlə təmin olunan əhalinin sayı 246 nəfər, işsizliyi görə müavinət alanlar- 17 nəfər. Bir il ərzində açılmış yeni iş yerlərinin sayı 2591, bunun 323 daimi iş yeri təşkil edir, əhalinin ümumi artımında doğulanlar 1292 nəfər, ölənlər isə 420 nəfər təşkil edib. 2005-ci il ildə doğulanlar - 1207 nəfər, ölənlər isə 493 nəfər təşkil edirdi. V. İsayev onu da qeyd etdi ki, rayonda inkişafla bərabər çatışmazlıqlar da var. Bunlar əsasən elektrik enerjisi və su təchizatındadır. Bu problemlər də 2007-ci ildə aradan qaldırılacaq, rayonun iqtisadiyyatında xeyli irələyişlər olacaq.
