Azərbaycan, Bakı, 14 may /müx.TrendLife Şahin Cavadsoy/
Müğənni Röyanın "Mən sizə göstərərəm" adlı konsertinin finalında səslənən "Bax gör kimdir nömrəbir" mahnısının müəllifi reper Jin, mövzunu davam etdirmək qərarına gəlib. Bu haqda məlumatı TrendLife-a reperin özü verib: "Bu mahnının yaranmasının çox maraqlı tarixi var. Əslində "Bax gör kimdir nömrəbir" üç ay bundan əvvəl dinləyicilərə təqdim edilməli idi. Lakin yerli kanalların birində eyni adla yayımlanan realiti-şounun efirə çıxması, bizim bu istəyimizi bir az gec reallaşdırmağımıza səbəb oldu. Mahnını estradamızın üç sevilən müğənnisi - Röya, Elnarə və Natəvan ifa etmişdilər. Özüm də mahnının sonunda gündəmdə olan məsələləri rep formasında söyləmişdim. İndi mahnının davamını yazdırmağa qərar vermişik. Sürpriz olsun deyə, duet oxuduğum xanım sənətçinin adını açıqlamıram. Dinləyicilər isə gözdə-qulaqda olsunlar. Çünki, "Bax gör kimdir nömrəbir-2" gəlir".